Këtë Nëntor, ne nuk zgjodhëm vetëm të kujtonim një datë historike, por zgjodhëm ta jetonim sipas identitetit që na përfaqëson. Jo me fjalime të mëdha, por me gjeste të thjeshta, të vërteta, që flasin për përkatësinë dhe për vlerat tona të përbashkëta.

Nga momentet simbolike në zyrë, tek Sheshi Skënderbej, ku flamuri i Shqipërisë qëndroi krah për krah me flamurin e Soft & Solution Group. Këto çaste na rikujtuan se rrënjët tona janë një burim force, jo vetëm nostalgjie.

Për ne, identiteti nuk është një simbol në mur, është mënyra se si punojmë, zgjedhim, ndërtojmë.

Siç shprehet edhe Ermal Beqiri, themelues i Soft & Solution Group:

“Kur je i lidhur me rrënjët e tua, çdo gjë që ndërton merr më shumë kuptim. Sepse forca që ndërtoi këtë vend, është e njëjta që na frymëzon çdo ditë të ndërtojmë me pasion dhe përkushtim si ekip.”

Në zyrat tona, këtë nëntor, nuk u fol shumë për histori, por u jetua. Dhe çdo përjetim i tillë, na ndihmon të ndërtojmë më mirë atë që vjen më pas.